ببداية الثورة كنا مجتمعين ببيت حدا من اصحابنا بالقصور...
كان وقتا تشييع شهدا القابون يلي سقطوا منشان حماية مقر كان مفروض ينعقد فيه اجتماع...
كان الحماس واصل للسما لمن وصل فارس...
بكل حماستو وجمال روحو كان عم يحكي عن التشييع
وكيف حملوه شباب القابون وهتفوا واحد واحد واحد الشعب السوري واحد...
كان هاد اللي عم يحكيه فارس صاير معنا قبل بيوم وبالقابون كمان....
فارس وقتا وبقلب النقاش والحماس التفت لعند برهوم وقلو انتا بتعرف اديش بحبك؟؟؟؟
جاوبو برهوم وانا بحبك كتير...
وعبطو بعض .. ارتد فارس لورا وهوي حاطط ايديه عكتاف برهوم وهزو وقلو شوف يا برهوم عأد ما بحبك عأد مارح اطلع اتظاهر ضدك اذا بدك تصير رئيس جمهورية....
هي من هلء عم قلك...!!!!
مناسبة الحديث انا ضد اي حدا بدو يجي...
ومتل فارس انا مع الناس بالشارع وبدي حرية من وقت خلقت ولوقت بدي موت
بدي حرية اليوم بكرا وبعد بكرا وبعد مليون سنة
بدي حرية من كل الأوباش في الارض ويلي مع الاسف رح يضلو موجودين بالارض ولازم نضل ننتزع الحرية من بين اسنانن
اي نعم انا بدي حرية.... وحرية... وحرية.....
وهاد اللي كان بالاول وهاد يلي يكون بالآخر رغم كل الوخم والأذى والأوباش.....
ومن الاول: سوريا بدا حرية
