رسالة عاجلة للسفير الفلسطيني في جمهورية مصر

 كتبت إحدى الناشطات الفلسطينيات اللواتي خرجن من سوريا رسالة عاجلة الى السفير الفرا  ونقلتها نوى حرفيا :"مين بيعرف سفيرنا "بركات الفرا " بمصر أو إذا عنده صفحة عالفيس بوك يبعتلنا الرابط حتى لو على الداخلي أو تليفون أو أي وسيلة إتصال معه بدنا صفحات اللي بيشتغلوا بالسفارة عالفيس بوك يا شباب ، لأنه الفلسطينين السوريين المحتجزين بمصر كمان من الشعب الفلسطيني و لازم السفارة تتحمل مسؤوليتها اتجاههم أو أن إعلانها صراحة أنه نحنا مش من الشعب الفلسطيني وعم يحاولوا يساعدو الأخرين بالتضيق علينا ليتخلصوا من اللاجئين .. حتى نعرف لمين نلجأ و كيف بدنا نتصرف بشكل رسمي

وهذه رسالة وصلت لأحد الأصدقاء من أحد اللاجئين الفلسطنيين السوريين المحتجزين في نقطة شرطة ايدكو في البحيرة يروي فيها ما حصل معهم من مأساة ونصب وإحتيال ..

احنا خيا بالحجز من يوم الخميس الماضي اطفال ونساء وشباب في اثنتين حوامل ايضا حتى في ختيارة عمرها 80 سنة مريضة كتير ،،

ضحكوا علينا المهربين على اساس يهربونا عايطاليا وسلمونا لخفر السواحل ،،

عملونا كبش فدا اخدونا على منطقة مقطوعة وركبونا بشاحنة فوق بعض وبعدين مشونا ساعة وبس وصلنا للشاطيء في واحد من المهربين عطا اشارة للامن واطلقوا النار بالهواء وفجأة كل المهربين 15 واحد اختفوا بعد ما سلمونا لخفر السواحل وسمعنا انو مسكونا للأمن مشان يمرئوا 800 واحد قام شخص معنا فسد على مكان الببور بالقسم ومسكوهم وأخذوهم كلهم عاقسم رشيد ومسكوا كمان مركب تاني حوالي الف واحد حاطينهم بقسم الرشيد ..

الشباب بغرفة والنساء بغرفة ما بخلونا نشوف بعض والاطفال بغرفة حتى ما حدا يصور الاطفال ويبعتهم للاعلام

المكان يللي احنا فيه كتير وسخ وفي جرادين وبغرفة الشباب في حشاشة ومجرمين واحنا بحاجة لرعاية طبية وادوية والختيارة يللي معنا كتير تعبانة وماحدا سائل فينا وما حدا اجا لعنا لا امم متحدة ولا مفوضية ولا من السفارة الفلسطينية